ILLAHAA AMAR WAYN OO AWOOD LAHEE: Aadankaan ma ogee itaal yaradood, Annigay qabaan is amiiriskood !

Hees xigmad badan, Waano leh. Soomaali ayaa hore ugu maahmaahdey dad waa kii hore hadalna waa intuu yiri !!

MA XASUUSAN TAHAY XASUUQII: Mareykanka iyo Xabashida .

DHOOBLEY G/J/HOOSE SOOMAALIYA: Taariikhdu waa April 2008dii, habeen saqdii dhexe ayaa mar qura waxaa Degmadda Dhoobley Dadka degaanku ku soo tooseen qarax wayn, kaasoo argagax galiyay dadkii oo dhan. Qaraxan oo ahaa mid qumbulad laga soo ganey Xeebaha Soomaaliya ayaa gabi ahaan burburiyay Gurri afar Qol ka koobnaa, wuxuu kaloo dhulka ku reebay god wayn oo lagu qiyaasay 15mitir oo dherer ah iyo 3 mitir oo hoos ah.

Qaraxan ma aheyn midka kaliya ee ay Dowladda Mareykanku ka gaysatey gudaha SOOMAALIYA. waxaa jiray qaar kaloo badan oo lagu xasuuqay dad badan oo shacab ah iyo waliba Xoollo badan !"Waa Dhab XOOLLO" halkaas waxay kaloo gantaaladu burburiyeen Guryo iyo hanti badan. Daawo mid ka mid ah Qaraxyadaas argagixisadda Mareykanka iyo Xabashidu dalkeena ka geysteen.

CIIDANKA BADADHILIFKA MAREYKANKA AFGAANISTAAN: Waa Caajisloow sida caruurta oo kale ah!

KOOXDA DOOFAAREY2 OO: qiratey in ay Kenya ku qiyaantay heshiiskii badda!

AMISOM manabad ilaaliyaal baa mase waa ciidan xasuuq? | SomaliTalk.com

AMISOM manabad ilaaliyaal baa mase waa ciidan xasuuq? SomaliTalk.com:

"Mahad oo dhan ilaahay bay u sugnaatay nabad galyo iyo naxariis nabigeenii korkiisa ha ahaato.
Maxay yihiin ciidamada AMISOM?

Ciidamada AMISOM waa ciidan African ah inta badana ka yimid wadanka UGANDA oo ah wadanka ugu AIDSKa badan Africa marka laga reebo dhowr wadan oo kamid ah Africa waxaana madaxweyne ka ah musafeni oo ah nin diinka christianka aad ugu adadag islaamkana aad u neceb iyo wadanka Burundi oo mudo dhibaatooyin badan kasoo jireen, labadan wadan waxay kamid yihiin wadamada Africa ugu faqiirsan, ciidaman AMISOM waxay isugu jiraan sida lasheegey ciidamo nidaami ah oo tiro yar iyo kuwa kazoo qayb qaatay dhibaatooyinkii kajiri jiray wadamadaas oo lagu yaqaano dil dhac iyo kufsi intooda badana waxay qabaan cudurka dilaaga ah ee Aidska waxayna kamid noqdeen ciidamada dowlada islaamiga ah ee Somalia ee shariif uu madaxda u yahay

Yaa soo diray?" SII AKHRI

WARGELIN: GOO-GOOSKA TODOBAADKA

Barnaamijka Maanta waxaa marti ku ah GABADHII U HOREYSAY EE DUULIYE NOQOTA DALKA SOOMAALIYA

WILAAYADDA ISLAAMIGA AH EE JUBBOOYINKA :oo si buuxda ula wareegay guud ahaan Degaanka Wilaayadda Jubbooyinka.

KISMAAYO XARUNTA WILAAYADDA ISLAAMIGA JUBBOOYINKA: Wararkii u dambeeyay waxay xaqiijinayaan in Maamulka Islaamiga ah ee Goboladda Jubooyinku ka dib dagaalo dheer ay ku guuleysteen inay gaaraan kana sifeeyaan Jabhaddii Qabiil u dirirka aheyd ee uu horkacaayay Axmed Aslaam (Madoobe) guud ahaan Degmooyinka Badhaadhe, Raas-Kaambooni, Kulbiyoow iyo guud ahaan Gobolka.

Afhayeenka Wilaayadda Jubbooyinka Sh Xasan Yacquub ayaa Idaacadaha gudaha iyo midda Caalamkaba u sheegay in Ururka Al-shabaab ama Maamulka Wilaalyada Jubbooyinku ay si buuxda uga sifeeyeen Jabhadii Axmed Madoobe (Jaajuuska Xabashida),

AMISOM OO CISBITAAL HAWEENKA: Soomaaliyeed lagu fara-xumeeyo ka furatey Muqdisho

MUQDISHO SOOMAALIA: Nin aduunka joogoow maxaa aragti kuu laaban ! Waa maahmaah Soomaaliyeed oo lagu cabiro wax kaa yaabiya !, Maalin dhow waxay idaacada Mareykanka ee VOA qaybteeda afka Soomaaliga ku baaranta lagu wareystay Gabar Soomaaliyeed oo uu Nin askari Ugaandhiis ku fara-xumeeyay Cisbitaal ku sheegga ay AMISOM ku leedahay Xaruntii Ciidanka ee XALANE laagu magac darey.

Haddaba sow layaab maaha in Gabar Soomaaliyeed Nin Ugaandhiis ah ku fara xumeeyo Xarun loogu magac darey Geesi Soomaaliyeed, Gabadha iyadoo ilmeynaysa ayey sheegtay in Askarigaasi ka faa'iideystay daruuf haysatey Aabaheed ka dib markii uu u sheegay inaanu daaweyn doonin ilaa ay ogolaato faraxumeynta uu la damacsanaa.

WARGELIN: Goo-Gooska Todobaadka

WILAAYADDA ISLAAMIGA AH: Jubbooyinka oo ku guuleystay inay jabhaddi Axmed madoobe ka cayriyaan Afmadow

HALKAN KA SII AKHRISO

QARAMADA MIDOOBEY: Dambiyadda ay Dalka ka wado, iyo Aqoonyahanka Soomaaliyeed oo Mushaar yar ka door biday waxkasta.

URURKA QARAMADDA MIDOOBEY: Tan iyo markii ay burburtay Dowladii dhexe ee Soomaaliya, Hay'adha Qaramada Midoobey waxay Dalka Soomaaliya ka wadey howlo inta badan lagu sheegu inay yihiin qaar bani-Aadannimo ah, laakiin xaqiiqda, inay QM Dalka Soomaaliya ka wado ficilo lagu tilmaami karo Dambiyo iyo Qowleysatonimo. Qaramadda Midoobay (QM) waxay waligeed u adeegtaa danaha reer Galbeedka shaqooyinka ay Soomaaliya ka hayso dhanka siyaasada waa inay Kaalmeyso Dagaal-oogayaasha, Dambiilayaasha iyo Qabaa'ilada hadafkoodu yahay kala qaybinka Jamhuuriyadda Soomaaliyeed.

SOOMAALIDA KENYA: ku hoos nool oo dhalintooda Jabhadnimo si qasab/sasabo ah logu tabobarayo

Barnaamijkaan waxaa wata dabcan Dalka Mareykanka iyo xulufadiisa wuxuuna ka mid yahay Mashruuca Ciribtirka Islaamka laakiin loogu yeero la dagaalanka argagixisada, Mashruucaan Caruurta iyo dhalinyaradda lagu tabobaroyo waxaa qarashka bixinaya Hay'adda Qaramadda Midoobey (UNDP) qaybta isku sheegta Barnaamijka Horumarinta., Dowlada Kenya maadaama ay ka mid tahay Dalalka xulufada la ah reer Golbeedka (Dal uu wali gumeysto Ingiriiska) waxay ogogolaatey in howshani la wado wax wada-tashi iyo tallo iyadoon waydiin Ummadda Soomaaliyeed ee awalba gumeysiga isaga jiray.

DAR-XUME: Warbixin Qaxootiga Soomeeliyeed ee yemen u tahriibay.

WAR-BIXINTAN XERYAHA QAXOOTI YEMEN: waxay muujineysaa dhibaatada iyo darxumada ku haysata Dadka Soomaaliyeed ee u tahriibay Dalka Yemen ama guud ahaan Carabta..Inta dhiban ama Dalkii hooyo ha joogaan ama Yemen ha joogaane Illaahey ha u fududeeyo, (Aamiin).

XERYAHA LOO TAHRIIBO:

WAR BIXIN: ka hadleysa dhibka ka jira Soomaaliya

OGOOW HADAFKA DOWLAD: ku sheegta inuu yahay Ia dagaalanka Islaamka

LONDON: Wasiir ku sheega Maaliyadda Dowlad ku sheega oo dhowaan soo gaarey Magaalada London ee gumeystaha Ingiriiska ayaa wareysi siiyay Idaacadda Al-Jasiira qayb ka mid ah, Wareysiga laga qaadey oo ah mid dheer wuxuu si qayaxan uga hadlayaa cidda ay u shaqeyso Dowlad ku sheegta uu Shariif Madaxda ka yahay.
Waxaa la waydiiyay halka xaalku marayo, wuxuuna qiray in Dalka intiisa badani ay ka taliyaan Mujaahidiinta oo uu yiri waa mucaarad. Sidoo kale mar la waydiiyay in Mareykanku hub siiyo ayuu la soo boodey.

"Haa waa jirtaa laakiin Hubkaasi ma aha mid aan isaga dhicin karno
Al-shabaab iyo Xisbul Islaam, oo sida uu sheegay haysta qalab iyo ciidan ka
awood badan midka ay haystaan" waa sida uu qiray.

Wuxuu kaloo sheegay in uu London u joogo si uu ugu hello Kooxdiisa kaalmo dhaqaale oo uu yiri haddii la heli waayo waxaa Dalka Dowlad u noqon doona Al-shabaab, taasna uma fiicna International Community ama Bulshada Gaallada.

Warbixinta oo faahfaahsan hoos ka Daawo:

Wargeyska QORAX

AMISOM: HADDII AAD IS DIFAACDAAN waxaan xasuuqeynaa Shacabkina Suuqa Bakaaro jooga,waana inkireynaa!

MUQDISHO SOOMAALIYA: Ciidanka AMISOM (calooshood u shaqeytayaasha) ee u soo shaqo tagey inay xasuuqaan shacabka Soomaaliyeeed, waxay dafireen xasuuqii u dambeeyay ee ay ka gaysteen Suuqa-Bakaaro!. Afyaheenka AMISOM oo lagu magacaabo Beenaale Bhuko ayaa diida/inkiray inay Ciidankoodu ka masuul yihiin duqeyntii ula kaca aheyd ee ay u gaysteen Suuqa Bakaaraha, Xasuuqaas waxaa inta la ogyahay ku naf waayey ilaa 30 Qof oo shacab ah, halka tiro 70 qof ay ku dhaawacmeen.

"Maya Anaga ma aha dilka/xasuuqa cidda gaysatey, Waa kuwa nala dagaalsan. waxay (Al-shabaab) nagu soo rideen madaafiic, ka dibna waxay sidoo kale ku tuureen Suuqa-Bakaaro iyaga ayaana gaystey xasuuqa ! ka dibna waxay shacabka u sheegaan inay AMISOM tahay cidda duqeynta ka dambeysa"

Ayuu dhahey beenaale BHUUKO.

KENYA: Kaluumaysato ku faraxsan saameynta Burcad-badeeda Soomaaliya !

MALINDI KENYA: Waxaa xeebta Malindi markii ugu horeysay ka soo buuxsamey Kaluun nooc walba leh, kaas oo markii hore ay si tuugonimo ah u raran jireen Maraakiinta waaweyn ee loo yaqaan (Trowlers) ama kuwa Badda xaalufiya ah.

Arintan oo dhawaan war-bixin laga soo sameeyay ayaa la ogaadey inay sabab u tahay Burcad Badeedda ka qaraabata xeebaha Soomaaliya kuwaas oo ku qasbey Maraakiibta Waweyn ee sida sharci darodda ah ugu kaluumaysan jiray Badda Hindiya inay isaga cararaan nawaaxiga ama dhulka xeebaha ku dhow iyagoo ka cabsi qaba inay u gacan galaan burcad badeeda Soomaali ah (Ilaaliye-yaasha Xeebta Soomaaliyeed) hadba sidii loo yaqaano ! Dad Kaluumeysato ah oo ku nool xeebta Malindi ayaa sheegay inay aad iyo aad iyo faraxsan yihiin jiritaanka iyo howsha ay qabteen ilaaladda Xeebaha Soomaaliya ama Burcad badeeda Soomaaliya.

Mid ka mid ah Kaluumeysatada ayaa sheegay in faa'iido badan ay helaan maalmahaan, wuxuuna sheegay in Kaluunku aad iyo aad uga buuxo badda........ Waayo awal waxaa Kaluunkaas oo dhan xadi jiray Maraakiib waaweyn oo ka kala timi dhamaan aduunka dacaladiisa.

FILIMKA LAGA SOO DIYAARIYAY HALKAN KA DAAWO.

Wargeyska QORAX

CIIDAN XABASHI AH: oo soo galey Tuulooyin ku dhow Beled-Wayne.

BELED-WAYNE SOOMAALIYA: Warar rasmi ah ayaa sheegaya in Ciidan Xabashi ah oo cusub ay xadka ka soo tilaabeen. Ciidankan gumeystaha ah ayaa si toos ah u galay ilaa sadex Tuullo oo dhanka Waqooyi-Galbeed ka jira Magaallo-madaxda Gobolka Hiiraan ee Beled-wayne.

Markii ay Ciidanka Xabashidu soo galeen waxay markiiba bilaabeen in ay qafaashaan dhowr Dhalinyaro ah oo ay u maleeyeen inay Islaamiyiinta ka mid yihiin ama ay la jiraan. waxaa kaloo la sheegayaa inay boobeen hanti ay wateen Dhalinyaraddaas ay qafaasheen. Ciidanka ayaa la sheegay inay wateen dhowr baabuur oo ah kuwa Uraalka loo yaqaan iyo qalab kale oo ciidan. Sidaas waxaa sheegay Odey ku sugan Tuulooyinka ay soo galeen oo la yiraahdo Maxamuud Guure.

Waxaa markiiba cabsi aan la soo koobi karin soo wajahdey Shacabka ku nool Tuulooyinkaas, maadaama ay ogyihin in Xabashidu leedahay dhaqamo xun xun oo waxashnimo ah.

Ilaa iyo hadda kuwa Dowlad ku sheegta ah kama hadlin, sababtoo ah waxayba maqaarsaar u yihiin Xabashida oo ay mar walba ka sugaan in Ciidankooda u soo tababarto. Ciidanka Xabashida markii horeba waxay ku sugnaayeen Degmadda Kalabeyrka halkaas oo ay ku ilaaliyaan Tuugadda Gobolka sida Daba-geel iyo Garaaso.

Wargeyska QORAX

GOBOLKA SOOMAALIDA: ee Kenya oo laga wado Tababar Jabhado Beeleed.

GARISSA: Gobolka Waqooyi Bari ee Soomaalida ay Kenya gumeysato waxaa bilihii u dambeeyay ka socda in dhalinyarada Gobolkaas la aruuriyo, waxaa la sheegayaa in dhalinyaro badan laga waayey Magaaladda ugu wayn Gobolka ee Gaarisa taas oo walwal badan galisay Dadka ku nool Gobolkan.

Dhalinyaradan ayaa loo furay tabobar Ciidan ama Jabhadnimo, wuxuuna waqtigan xaadir ah ka soconayaa Magaalada Mombasa Kenya. Nin ka mid ah Xildhibaanada Kenya oo Soomaali ah ayaa sheegay in arintani tahay mid qatar ku ah Dalka Kenya waayo haddii aan la safatid Kooxaha Soomaaliya isku dagaalayo waxaad ka mid noqoneysaa Dagaalka Soomaaliya.

MINNESOTA: Shariifka oo la hadley Soomaalida Minnesota, Caruurtiina ka ilaashada Masaajidda !

MINNEAPOLIS MN: Madaxweynaha Kooxda 4.5 ee dhawaan Jabuuti lagu soo sameeyay oo booqasho ku jooga Dalka Mareykan. Shariif Sh Axmed ayaa muddo laba maalin ah soo gaarey Gobolka Minnesota oo ah meesha ay Soomaalida ugu badani ku nool yihiin Dalka Mareykanka, Maalintii Sabtida wuxuu inta badan kulamo kala duwan la yeeshay Beelaha Soomaaliyeed oo magacyo Urur loo habeeyay, waxaana la sheegayaa in Qabaa'iladu ay Danahooda gaar ah midba ka dhameysanaayey, waxaana ka mid ahaa jago iyo lacag maxaad noo haysaa ?

Waxaa xusid mudan in Waftiga Shariifka ay la socdeen Mas'uuliyiin Kooxdiisa ka mid ah, Waxayna Olole ugu jiraan sidii midkastaa Beeshiisa taageero uga raadin lahaa! Madaama ay Kooxda Shariifku 4.5 ku dhisan tahay.

SHariifka Maalintii labaad wuxuu Khudbad jahwareer ku jiro u jeediyay Jaaliyadda Soomaaliyeed ee ku dhaqan Minnesota wuxuuna sheegay in ay Waalidiintu aad uga taxadaraan inay Ilmahooda geeyaan Masaajidadda oo uu ku tilmaamay in lagu tababaro Caruurta!

"Waxyaalaha lala yaabo waxaa ka mid ah maanta in Dadka Soomaaliyeed Middi iyo Qori lala dhex taagan yahay, Madxahooda la guraayo, Gacmahooda la guraayo,Lugahoodi la guraayo oo waliba la qixinaayo. Sidaad wada ogtihiinafkaarahan ma aha dhaqan Soomaaliyeed"

"Masaajidda maalmahaan waxay noqdeen meel lagu marin habaabiyo CaruurtaSoomaaliyeed, Waxaan Waalidiinta u sheegayaa inay aad ula socdaan dhaqdhaqaaqa iyo waxa lagu baro Caruurtooda" Ayuu Dhahey Shariifka

Wargeyska QORAX

MINNESOTA: Soomaalida Mareykanka sidee u arkaan Dowlad ku sheegta Shariif ?

Gobolka Minnesota ee Dalka Mareykanka oo ay ku nool yihiin Soomaali lagu qiyaaso ilaa 50,000 oo qof ayaa maalmihii tahay waxaa ka socday abaabul ku aadan Booqasho uu Shariif ku imaanayo, Haddaba Taageerayaasha Shariifka oo si beel beel ah isku abaabulay ayaa la sheegayaa inay ku heshiin waayeen cidda xaq u leh inay soo dhaweynta sameyso ! Kooxahaan oo ah laba waxay kala yihiin.

• Koox ah haraadigii TFG C/laahi Yuusuf/ Nuur Cadde, laakiin hadda Shariifka ka soo horjeeda.


• Kooxda cusub ee awal hore ka soo horjeedi jirtay laakiin maanta Shariif beel ahaan ula safan.

Gobolka Minnesata ayaa ah meel ay mar walba Dowladda Mareykanku isha ku hayso, Waxaana xusib muddan inuu hadda ka socdo baaritaan ku aadan Wiilal la sheegay inay Al-shabaab ka mid yihiin oo markii hore MN ka baxey. Sidoo kale Dowladda Mareykanka ayaa mar walba kala tashata Soomaalida ku dhaqan Gobolkan siyaasadeeda ku aadan Soomaaliya.

Halkan ka fiirso Mowqifka Urur la baxay Midnimadda Soomaalida Qurba-joogta.

XADKA KENYA IYO SOOMAALIYA: War rasmi ah oo leh in Ciidan Soomaali ah ay Xadka Soomaaliya u soo gudbeen

Diirad.com
Wararka aanu ka helayno ilo lagu kalsoonaan karo ayaa waxay sheegayaan in caawa 8dii/sideedii habeenimo saacada Soomaaliya in ciidamo taabacsan dowladda KMG ah ay kasoo tilaabeen xuduudka u dhaxeeya Kenya iyo Soomaaliya. Waxa ay wararku sheegayaan in Ciidankan oo sita dareeska Ciidanka Soomaalida lagu arkay xadka iyagoo kasoo tilaabaya

WARKAOO FAAH FAAHSAN HALKAN KA AQRI

Waxaa Iswaydiin leh. Ciidankaa la sheegayo inay Axmed Madoobe is ogyihiin iyo in kale ? Laakiin waxaa meesha ka cad in Dadka Degaanka ay arintaan wax ka ogyihiin. Waxayna u badan tahay in Ciidankani uu yahay qaar hiilo ugu socda Axmed Madoobe. Haddii ay sidaa dhacdo iswaydiinta cidda Dagaalkii Kismaayo ku qaldaneyd ayaa meesha ka bixi doonta. Waayo Axmed Madoobe waxaa ku cadaan doonta sababihii ay Maamulka Islaamiga ah ee Jubooyinka dagaalka ugu qaadeen.

Wargeyska QORAX

CIIDANKA BAKISTAAN: Sida ay u ciqaabaan qofkii loo maleeyo Wadaad ama Talibaan ee ay qabtaan !

Waxaad Filimkan ku aragtaan dagaalka lagula jiro cidkastoo inay tahay Wadaad loo maleeyo ee ku nool Dhulka Bakistaan, Meesha ay ciqaabtani ka socoto waa Gobolka SWAT ee billo ka hor ay Maamuli jireen Dagaalyahanka Talibaanka laakiin markii dambe awood Ciidan looga saarey.

Sidoo waxaa xusib mudan in Dhaqaalaha lagu sameeyay Howlgalkaan Ciidan in si deg deg ah loogu aruuriyay Dalka Jaban, ka dib markii ay Dowladda Bakistaan heshiis hoose la gashey Talibaan taas oo dhigaayey inay Goboladda ay maamulaan lagu Xukumo Shareecadda Islaamka. Taasoo cabsi iyo carro aan la soo koobi karin galisay Dawladah gaallada ah waxayna si deg deg ah u bixiyeen lacag lagu qiyaasay 4 afar Bilyan oo doolarka Mareykanka ah.

Tani waxay ku tusaysaa lacagtii Gaaladu bixisay sida ay u shaqeynayso, waana in la ciqaabo, la jirdilo, la bahdilo qofkastoo wadaad ah ama loo maleeyo inuu taageersan yahay Wadaadadda

Dalka Soomaaliya waa sida loo rabo tan oo kale, haddii ciidanka Dowlad ku sheegtu awood Ciidan yeelato sidaa ayaa u dambeyn doonta Wadaad iyo intii la jirtaba haddii aan laga hortagin intay goori goor tahay !Hadda AMISOM ayaa hordhac u ah Xasuuqo loo gol leeyahay, laakiin waxaa ka sii daraan doona markii ay Awood yeeshaan Kooxda Shariifka.

Wargeyska QORAX

KISMAAYO: Maamulka Islaamiga ee Jubooyinka oo Amaankii soo celiyay

KISMAAYO SOOMAALIYA: Maamulka Islaamiga ah ee Goboladda Jubooyinka ayaa ku guuleystay in ay dib u soo celiyaan amaankii iyo kala dambeyntii Magaalada Kismaayo ee Gobolka Jubadda Hoose. Waqtigan xaadirka ah waxaa laga dareemayaa in Magaaladdu ay degen tahay waxkastana sidii caadiga ahaa ku soo laabteen.

Maanta oo ah 01/10/09. Ayuu Maamulka Islaamiga ah dagaal ku qaadey fariisimo ay ka sameysteen koox uu hogaamiyo Axmed Islaam oo dhowaan magaalada ciidan beeleed la soo galay. laakiin waxaa xusid mudan inay huwanaayeen magaca Ururka Xisbul Islaam. dagaalka ay qaadeen maamulka degaanka ayaa yimid ka dib markii Axmed Madoobe iyo Jabhadda uu wato ay diideen inay magaaladda kala baxaan rabshada iyo ciidanka. Hadaba waxaa Maamulka Islaamiga ah markii dambe u suuro gashay inay qasab uga saaraan dhamaan Ciidan beeleedkii qaska iyo jahwareerka ka abuurey Kismaayo.

SHARIIF: oo Dhalan-teed u jooga Mareykanka halka Shacabkii ay AMIISOM ku xasuuqeyso Muqdisho

WASHINGTON DC: Madaxweynaha Kooxda Jabuuti lagu soo sameeyay ayaa Dalka Mareykanka u yimid baashaal/Dalxiis iyo isbarasho isaga iyo Masuuliyiinta ama Dadka daneeya la dagaalanka Islaamka ee Mareykanka ah.

Shariif wuxuu ugu horeyntii safarkiisa ka bilaabey hadal uu ka jeediyay Xarunta Qaramadda Midoobey wuxuuna halkaas ka jeediyay hadal dheer oo aad iyo aad u waafaqsan sababihii loo soo dhisay Dowlad ku sheegta. waxaana ugu mihiim sanaa hadalkiisa.

• In Dowlad ku sheegiisa laga qaado cunnaqabateyta ay QM saartey Dalka Soomaaliya, si fursad loo siiyo Maleyshiyaadka u daacada ah la dagaalanka iyo cirib tirka Kooxaha Islaamiga ah ee hadda Soomaaliya inta badan maamula gaar ahaan Ururadda Al-shabaab iyo Xisbul Islaamka.
  
  
• In loo soo dedejiyo lacagtii ay Dowladaha reer Galbeedku ku deeqeen kooxdiisa ee loogu tallo galay in lagula dagaalo kooxaha Islaamiyiinta ah. wuxuuna sheegay inay ilaa hadda wax yar ka soo gaartey.

Shariif wuxuu u sii dhaadhacey Magaaladda Washington DC oo ah caasimadda Dalka Mareykanka, wuxuuna kulamo kala duwan kula yeeshay Jaaliyadda Soomaaliyeed Washington iyo waliba Hay'adaha Sirdoonka ee Mareykanka halkaas oo uu ku siiyay war bixino xasaasi ah.

Halkan ka Dhageyso waxbixinta oo Af soomaali ah

Sidoo kale war-bixinta uu siiyay Hay'adaha (Sirdoonka) Mareykanka ah oo Afka Ingiriiska lagu turjumay halkan ka Daawo:

Shariifka marna ma soo qaadin xasuuqii ay Xabashidu ka gaysatey Dalka 2006 ilaa 2009ka, xasuuqan oo uu Mareykanku soo abaabuley dhaqaalaha iyo farsamadiisana isagu lahaa. laakiin wuxuu u muuqdaa mid ku socda jahwareer/qorshihii Qab-qablihii isaga ka horeeyay ee C/laahi Yuusuf wuxuuna Mareykanka ka doonayaa kuwo la moodo qaar u eg wixii ay Xabashida iyo xulufadeedu ku guul dareysteen, waxaana laga xusi karaa.

• In cuna-qabateynta hubka laga qaado Soomaaliya si ay Dalal kale ugu soo duulaan Dalkeena kuwaas oo maanta ku shaqeeya Magaca AMISOM ama Midowga Afrika oo ay ku jirto Xabashidu.
• In Kaalmo dhaqaale la siiyo Kooxdiisa si ay ula dagaalaan Kooxaha Islaamiyiinta ah (Al-shabaab iyo Xisbul Islaam) Kaalmadii hore loogu yaboohayna loo soo dedejiyo taas oo dhameyd 200 Milyan oo Dollar laakiin inta badan la siiyo Ciidanka AMISOM ee dalka ku soo duulay!.

Shariifka ayaa ku calaacaley in Bulshadda caalamku si buuxda u taageerto si looga hortago Argagixisadda, wuxuuna sheegay haddii aan quwad wayn lagaga hortagin inay halis ku yihiin Caalamka oo dhan. Waxay u egtahay in Shariifku ku jiro riyo ama dhalanteed uu u haysto Mareykanku inuu Caalamka isagu leeyahay oo kale, waxaa kaloo hadalasiisa ka muuqata in xalka Soomaaliya uu gacanta Gaallada ku jiro, laakiin sida ay Ummadda Soomaaliyeed wada ogtahay dhibka Soomaaliya ka jira waxaa ka mas'uul ah faragalinta ay ku hayaan Shisheeyaha ayna ku doonayaan in ay dusha ka saaraan Dowlad ama Kooxo tuugo ah oo aan wax maslaxad ah u haynin Ummadda iyo Dalka Soomaaliyeed.

Shariif iyo Kooxdiisa tuugadda u badan ayuu Mareykanku ku sheegaa inay yihiin rajadda kaliya ee u dhiman Ummadda Soomaaliyeed. waxay u egtahay inay xayeysiis ugu jiraan hagardaamooyinka ay ku hayaan Dadka iyo Dalka Soomaaliya iyagoo ku soo dhuumanaaya la dagaalanka argixisadda/Islaamka halka dhabtu tahay inay iyagu argagixiso ku yihiin Ummadda Soomaaliyeed, waxaana cadeyn u ah sida ay Ciidanka AMISOM ee uu Mareykanku soo kireystay ay ugu xasuuqaan Shacabka Soomaaliyeed maalin kasta.

Wargeyska QORAX

KISMAAYO: Nabadii iyo kala-dambeyntii yaa qal-qal galiyay?

KISMAAYO SOOMAALIYA: Waxaa ayaamihii la soo dhaafey Magaaladda Kismaayo ee Gobolka Jubbada hoose soo galay Jabhad uu hor kacaayo Axmed Maxamed Islaan oo loogu yeero Axmed Madoobe. Axmed madoobe wuxuu ka mid yahay Saraakiisha Mucaskarka Kaambooni ee uu Hogaamiyo Sh Xasan Turki.

Hadaba markii ay Ciidankaas/Jabhadaas soo galeen Magaalada waxay salka dhigteen/hubsadeen bartamaha magaaladda taasoo keentay cabsi shacabka Magaaladda soo wajahdey iyo in Maamulkii Magaalada Mas'uuliyiin ka mid ahi banaanka uga baxaan. sababta dhabta ah ee ay sidaas u yeeleen lama yaqaan laakiin waxaa loo maleynayaa inay diidanaayeen in isku dhac uu yimaado, Mas'uuliyiinta maalin ka dib ayey dib ugu soo noqdeen Magaaladda iyagoo sheegay in ay wali shaqeynayaan amaankana sugayaan, qal-qalka galey maamulkii ayaa markiba keenay in Qof rayid ah lagu dilay Bartamaha magaalada, ilaa haddana lama yaqaan cidda ka dambeysa iyo sababta laakiin waa Qofkii ugu horeeyay ee la dilo muddo sanad ku dhow.

"Anagu dhib ma wadno waxaan dooneynaa in Maamulka nalaku soo wareejiyo,Maamulka jiray way nagu balan fureen. Ayuu sheegay Axmed Madoobe mar ay wareysi la yeesheen Idaacadaha qaarkood."

Dhanka kale Axmed Madoobe iyo ciidanka uu wato oo lagu sheegay inay yihiin Mucaskarka Kaambooni iyo Caanoole oo labaduba ka tirsan Ururka Xisbul-Islaam ayaa inta badan dadka siyaasadda indha indheeya ay ku sheegaan inay yihiin Maleeshiyooyin u nidaamsan qaab beeleedka degaanka ah halka kuwa Maamulka hadda jira ay yihiin caksigooda. hasayeeshee waxay ku andacoonayaan/doonayaan in Maamulka Magaalada iyaga lagu wareejiyo taasoo inta badan dadka degaanka iyo Maamulkaba u cuntami waydey. Waayo Kismaayo ma aha meel beeli leedahay ee waa Magaallo Madaxda sadexaad ee Dalka mana lagu aamini karo Ciidan la ogyahay inay yihiin Beello ku qaraabanaaya Magaca Xisbul Islaam.

Maamulka Kismaayo oo dhowaan ku dhawaaqey inay ku biireen Al-shabaab, awalba intooda badani ay ahaayeen ayaa waxay muujiyeen feejignaan iyo waliba taxadar la dhihi karo wuu wanaagsan yahay. waxayna iska ilaaliyeen inay Dagaal kala hortagaan kooxdan uu Axmed Madoobe soo abaabuley kuna soo duuley Magaallo nabad iyo Maamul uu ka jiro isla markaan ah Xarunta Islaamka/Muslimiinta oo dhan.

Waxaa wali socda dadaal iyo dalabyo lagu raadinaayo in Axmed Madoobe iyo Ciidanka uu soo abaabulay Magaaladda looga saaro, waxayna u egtahay in lagu guuleysan karo haddiise uu diido waxaa dhici karta in Maamulka uu tilaabada ku haboon uu ka qaato taasoo dhalin karta isku dhac Ciidan.

Kismaayo oo nabad ah in Jabhad Beeleed ay dhahdo Maamulka haddii naloo dhiibi waayo waan dagaalameynaa waxay muujinaysaa wax yeelada ay leedahay midnimo la'aanta iyo kala daadsanaanta halgamayaasha iyo ururada aan aaminsan nahay inay doonayaan inay Dalka ku xukumaan shareecadda Islaamka. Laakiin waxay arinta Kismaayo keeni kartaa in dagaal dhoco ama si toos ah loo midoobo midkood.

Wargeyska QORAX

SAXAAFADA SOOMAALIYA: Maxaa la baraa Wariyeyaasha Soomaaliya ?

NAIROBI KENYA : Waxaa Dalka Kenya marwalba lagu qabtaa tabobar loo sameeyo Wariyeyaal ka yimid Dalka Soomaaliya dacaladiisa. Tababarkan waxaa dhaqaalaha bixiya hay'addo (Missionary) ka yimid Wadamada reer Galbeedka ah.

Hadaba tababarkan loo qabto wariyayaasha waxaa inta badan lagu baraa dhaqanka iyo himilooyinka ay Dowladaha reer Galbeedka/deeqda bixiya sida xuquuqda Insaanka (Sida ay iyagu u yaqaaniin) xoriyadda qowlka iyo waxyaalo kale oo ay ka mid yihiin in shuruucda caalamiga ah isla marka shacabka Soomaaliyeed la baro iyo in Shacabka aduunka uu yahay walaalo ama isku mid.

Waxaan la yaab leh in Wariyeyaasha la soo tababartey ay indhaha ka qabsadeen tacadigii iyo xasuuqii ay dalkeena ka gaysteen Ciidanka Xabashida 2006 illaa 2009 bilowgiisa. taasoo waafaqsan sida loo soo tababarey ama wax loogu sheegay. Shaqsiyaadkaan wax la soo barey waxay u dhaqmeen sidii in ay yihiin dad aan u dhalan Soomaaliya. oo waxay dhaheen Anagu waxaan nahay dhexdhexaad ! waa sida waxloo soo barey.

Wararkooda waxaa ka mid ahaa in ay Ciidanka Xabasida ku tilmaami jireen inay Dalkeena u joogaan inay caawiyaan Dowlad ku sheegta ay Xabashidu gacanteeda ku soo dhisatey, waxayna mar walba iska insha tiraan in Xabashida ama Ciidanka AMISOM ay dalka ku soo duuleen isla markaana ay tacadi iyo xasuuq Dalka ka gaysteen.. Waayo waxaad ogtihiin in Wariyeyaashaani loo soo tababarey inay Shuruucda Aduunka (New World Order) markasta raacaan !. Maadaama ay tababarka ka dib loo qoro Mushaar bil kasta, haddii ay jabiyaan heshiiskana laga jari doono mushaarkaas.

Arimaha tabobaradda ah ee Nairobi ka socda kaliya kuma eka Wariyeyaasha si Shacabka Soomaaliyeed ra'yigooda loo qaldo, laakiin waxaa kaloo jira tabobaro ku saabsan dhinacyo badan sida Waxbarshadda, Caafimaadka iyo arimo kale oo ay ku jirto in la gaaleysiiyo Ummadda Soomaaliyeed.

Wargeyska QORAX

MIYEEYDAAN BARAARUGEYN: Shacabka Muqdishow ma Dalkiina hooyo ayaad lama ooyaan ku noqoteen ?

MUQDISHO SOOMAALIYA: Magaalo-Madaxda Dalkeena waxaa bilihii la soo dhaafey ay Ciidanka Afrikaanka ah ee la baxay AMISOM ee calooshood u shaqeysatada ah caado ka dhigteen inay Madaafiic si ula kac ah ugu garaacaan Xaafadaha Shacabku ku badan yahay. gaar ahaan waxay bar-tilmaameed sadaan Goobaha Dadku ku badan yahay sida: Suuqyadda iyo Xaafadaha ay wali ku tuhunsan yihiin in wali shacab degen yahay.

Muddo ku dhow sadex sanno waxaa shacabka ku dhaqan Muqdisho si arxan darro ah Goobaha ay ku nool yihiin mar walba loola beegsanaayay Madaafiicda goobta. dhaqankaan waxashnimo/arxan darada ah waxaa markii hore bilaabey Ciidankii Xabashida ee Dalkeena ku soo duulay 2006dii. taasoo sababtey in ay ku barakacaan kala bar Dadkii ku noolaa Magaalada Muqdisho oo qiyaastoodu dhameyd xiligaas 250,000 ilaa 560.000 oo Qof, isla waqtigaas waxay Xabashidu xasuuqeen/daawaceen Dad ka badan 30.000 oo qof. Laakiin markii si wada jir ah looga dhiidhiyay oo dagaal ba'an lala galay Xabashidii waxaa lagu qasbey inay Dalka iskaga cararto.

Sida dhabta ah. Xasuuqii Shacabku halkaas kuma joogsan ee waxaa maanta halkiisii iyo qaabkiisii oo kale sii wada Ciidanka colooshood u shaqeystayaasha ah ee la baxay AMISOM. Ayaamahan dambe waxay bilaabeen inay si bareer ah Madaafiic ugu garaacaan Degaanada Shacabku ku badan yahay gaar ahaan Suuqyadda Waaweyn ee Bakaaraha iyo Suuq-Bacaad iyagoo mar marsiinyo ka dhigta inay Halgamayaashu (Al-shabaab/Xisbul-Islaam) hoobiye ka soo tuuraan goobahaas, arintaan inay dhab tahay in kale cidna isma waydiiso! AMISOM taas cadeyteeda qofna kama rabto waayo uma aragto muhiim inay tahay.

Waxaa iswaydiin mudan Ciidanka shisheeyaha ah ee AMISOM yaa xaq u siiyay inay Madaafiic la dhacaan goobaha Dadka rayidka ah ay degen yihiin ? Ma UNta , Mareykanka Mise kuwa Dowlad ku sheega ah ? Jawaabta su'aashaasi waxay tahay ma jirto cid xaq u leh inay Dalkeena imaado, Madaafiic Shacabka ku garaacdo marnaba.. Oo indhacadaan wali leh waan is-difaaceynaa ! marka ay shacabka laayaan CAJIIB.

Shacabka Reer Muqdisho maxaa la gudboon maanta ? Waxay u egtahay inay Dhulkoodii hooyo ku noqdeen looma ooyaan ! Maxaa yeelay wali lama hayo wax ka hadlaaya xasuuqa maalin iyo habeen ay AMISOM ku hayso . Hay'adaha Gaallada ee xuquuqul Insaanka isku sheega kama hadlaan, Ururada Afrika, Muslimiinta, Carabta iyo Reer Galbeedka Idaacadahoodu dan iyo heello kama leh Xaquuqa, waxaa macquul ah inay ku faraxsan yihiin dhibaatada ka jirta Dalkeena.

ISHIISA LAGA ARKAA USHIISA LAGU DILAA !

Xasuuqa shacabka inuu jiro su'aal kama taagna laakiin waxaa la yaab leh oo taas ka sii daran in Dadka reer Muqdisho (Shacab iyo Mas'uuliyiin) ay sida muuqata aaney u jeedin xaquuqa ay AMISOM ku hayso laakiin inta badan ay eeda iyo dambigaas dusha uga tuuraan Halgamayaasha iyaga difaacooda har iyo habeen u taagan!!

Wargeyska QORAX

WARBIXIN KU SAABSAN: Abuu Mansoor Al-Amriki

Abuu Mansoor Al-Amriki waa Hogaamiye ka mid ah saraakiisha Xarakatul Shabaab Mujaahidiin oo ka mid ah Xooggaga Islaamiga ah ee inta badan Dalka Soomaaliya ka taliya. Abuu Mansoor Al-Amriki magaciisa runta ah waa Cumar Xammaani wuxuuna ku dhashey Dalka Mareykanka Magaaladda Mobile ee Gobolka Alabama oo dhaca Koonfurta Dalka Mareykanka.

Cumar Xammaani (Abuu-Mansoor Al-Amriki) Aabihiis Shafiiq Xammaani (oo ka soo jeeda Siiriya) ayaa dhowaan Idaacadaha Dalka Mareykanka qaar la hadley. Wuxuuna cadeeyay in wiilkiisa ay ugu war dambeysay 2006dii ka dib markii uu ka soo wacey qadka Tellefoonka ee Soomaaliya.

"Wuxuu ii sheegay inuu Baasaboorkii ka lumay, uuna rabo in uu ku soo laabto Mareykanka ama Qoyskiisa!. wuxuu kaloo ii sheegay in Xaaskiisa yar ay tahay Soomaali. Waxaan markiiba la xiriiray FBIda anigoo isleh aad wiilkaaga wax la qabatid, laakiin nasiib daro waxaan ogaadey in Mareykanka iyo Soomaaliya aaney ka dhexaynin Cilaaqaad ama Safaarad"Ayuu yiri Cumar Xammaani Aabihiis.

Wareysiga uu siisay warbaahinta Cumar (Abuu-Mansoor Al-Amriki) Abihiis ayuu sidoo kale ku sheegay in aanu ku taageersaneyn ficilka, mabaadiida iyo waliba fikirka Wiilkiisa, laakiin wuxuu ugu duceeyay in Alle ku badbaadiyo meesha uu joogo.

Wareysiga oo dhameystiran halkan ka daawo.

Wargeyska QORAX

BELED-WAYNE IYO KISMAAYO: Wararkii u dambeeyay !

WAR LAGU FARXO.

BELED-WAYNE Soomaaliya: Gudoomiyaha Maamulka Islaamiga ah ee Gobolka Hiiraan Soomaaliya, Sheekh C/raxmaan Ibraahim(Macoow) ayaa sheegay in maanta wixii ka dambeeya ay la midobeen Ururka Mujaahidiinta ee Xisbul-Islaam. Gudoomiyaha ayaa dhowaan isaga baxey Dowlad ku sheegta ay Xabashidu soo dhisatay.

Sh Macoow Gudoomiyaha Gobolka hiiraan oo ah Hogaamiye la soo halgamey Xabashida/Cadowga Dalkeena ku soo duulay 2006dii ilaa 2009ka, ayaa sheegay in Magaalada Beled-wayne ay si buuxda u maamulaan Halgamayaasha Xisbul-Islaam

WAR AAN FIICNEYN:

KISMAAYO Soomaaliya: Maalmihii la soo dhaafey waxaa Magaaladda Kismaayo ee Gobolka J/Hoose laga soo sheegayaa warar ah in qilaaf uu soo kala dhexgalay Ururada Xisbul-Islaam iyo Al-shabaab Mujaahidiin. Qilaafka ayaa sida cad ah mid ku saabsan Maamulka Magaaladda Kismaayo. Kismaayo waxaa ka jira Maamul u gaar ah oo awal ay ku mideysnaayeen labada Xisbi/Xarako, laakiin Xisbiga Islaamka ayaa Maamulka diiday ka dib markii xubno ka mid ahaa ururkooda ay ku bireen Al-shabaabka.

Magaaladda Kismaayo oo ah meel ay ka jirto damaaci qabiil oo taariikh u leh in la isku garbiyo, ayaa noqotey meesha ugu nabad wanaagsan Koonfurta Soomaaliya intii uu jiray Maamulka Islaamiga ah ee hadda ka jira muddo sanad iyo dhowr bilood ah.

Sh Xasan Turki oo ka mid ah Hogaamiyayaasha Ururka Xisbul-Islaam oo maanta wareysi bixiyay ayaa ku nuux nuuxsadey in Maamulka iminka ka jira Kismaayo aanu waafaqsaneyn isagoo tilmaamey inay balantii ka baxeen ka dib markii ay Maamulka Kismaayo isku koobeen Al-shabaab.

"Haa ma waafawsani Maamulka hadda ka jira Kismaayo, laakiin waxaan rabaa in qilaafka aan xal u helno oo walaalaha mujaahidiinta la mideeyo"Ayuu yiri Sh Xasan Turki.

Arintan ayaa ah Mid caqabad ku noqon karta halganka loogu jiro difaaca Dalka, oo laga yaabo inay keento isdhac guul daro ku dhamaan doonaa haddii aanu caqligu shaqeyn. Dad badan ayaa la yaaban sababta ay labada Xisbi ee Al-shabaabka iyo Xusbul Islaam ay u midoobi waayeen. Waxaan wada ognahay inay dhanka Ciidanka si wada jir ah u howgalaan laakiin maxay tahay sababta ay dhanka siyaasadda u midoobi waayeen! Waa arin dadaal badan u baahan.

Wargeyska QORAX

UGANDA IYO BURUNDI: Maxay u joogaan Dalkeena ?

Waxaa laga yaabaa in Qofkastoo Soomaali ah uu la yaaban yahay sababta rasmiga ah ee ay Dalkeena u joogaan Ciidanka la baxay AMISOM iyo waliba cidda qarashkooda bixisa ? inkastoo ay dad badani ogyihiin in Ciidanka AMISOM ay biisho UNta ama iska dheh Dowladaha reer Galbeedka isla markaana ay AMISOM tahay Ciidan colooshood u shaweystayaal ah.

Laakiin aqristoow ma ogtahay in Ciidankani sidoo kale ay Dalkeena u joogaan inay (si Gaalnimo ah) ula dagaalsan yihiin Xooggaga Islaamiga ah ee Dalka intiisa badan maanta gacanta ku haya, iyo waliba inay Dalkeena ka ilaaliyaan inuu hello nabad iyo Dowladnimo Islaamu ah. inta Cadowgeenu (reer Galbeedka) firaaqo u hellayo sidii uu u boobi lahaa Dhulkeena. Haddii aad daneyso inaad ogaato Mashruuca rasmiga ee ay AMISOM Dalka u joogto fadlan Daawo Filimkan hoose, Ishu kuu macalin !

Xaqiiqda. Ciidanka AMISOM u jooggo Dalkeenu waa inay la dagaalaan Ururadda Islaamiga ah ee Dalkeena nabadda iyo kala dambeynta u soo celiyay ! laakiin aaney aheyn nabad ilaaliyayaal sida ay sheegtaan. Waxaa iswaydiin leh sababta ay Askarta Uganda iyo Burundu igu dhimanayaan Dhul aan kooda aheyn oo ay waliba u adeegayaan Dalalka Gumeystayaasha ah ee reer Yurub iyo Mareykanka. Mase ogtahay in Wadamadda Bariga Afrika 20tankii Sanno ee la soo dhaafey ay taladooda la wareegeen Kaniisado macangag ah, kuwaasoo doonaya inay geeska Afrika marka hore wada gaaleysiiyaan kadibna qayraadka ku jira si fudud u boobaan.

Allah ayaan magan u nahay, Qorshah Gaalladuna wuu fashilmi doonaa insha Allaah.

Wargeysa QORAX

HESHIIS: Dhex marey Maamulka Maxaakiinta G/Hiiraan iyo Al-Shabaab/Xisbul Islaam.

BELED WAYNE: Gobolka Hiiraan Soomaaliya. Waxaa dhowaan isbedel dhanka siyaasadda iyo mid Ciidanba uu ka dhacey Gobolka Hiiraan ka dib markii uu Gudoomiyada Gobolka Sh C/raxmaan oo loo yaqaan Macoow uu sheegay inuu kalsoonidii kala laabtey Dowlad ku sheegta ay Xabashidu soo abuuratey.

Kala noqashada kalsoonida ayaa timid ka dib markii uu Sheekhu indhahiisa ku soo arkey dhaliisha iyo kala daadsanaanta ay Kooxdan Dowlad ku sheegta ahi leedahay. Wuxuu sheekhu sheegay in Kooxdani tahay magac u yaal ay cadowga Soomaaliyeed iyo kan Muslimiintuba u soo dhisteen inay ku hor istaagaan nabad iyo Dowladnimo ka dhalata Dalkeena Hooyo.

Isla markii uu kalsoonida kala noqdey wuxuu sh Macoow bilaabey inuu xiriir toos la yeesho Xooggaga xaq u dirirka ah ee Xisbul-Islaam/Al-shabaab. hadaba xiriirkaas uu la sameeyay waxaa ka dhashey isfahan labadda dhinac ah, waxay labada dhinac ku heshiiyeen in.

• In si wada-jir ah Gobolka iyo Dalkaba looga difaaco Cadowga Soomaaliyeed/Muslimiinta, gaar ahaan Kooxda dambiilayaasha u badan ee la baxey Dowladda ee ay Xabashidu hubka soo siisay ama ha noqdeen Qab-qablayaasha (Dabageel) ama kuwa Suufiyadda ah ee la baxey magac beenaadka Ahlu sunna.
• In Gobolka loo sameeyo Maamul Islaami ah oo la mid ah kuwa ka jira Goboladda kale ee Dalka sida kan Jubooyinka iyo Bay/Bakool si wada jir ahba loo wada maamulo.

Heshiiskaan dhex marey Maamulka Maxaakiimta iyo kan Al-shabaab/Xisbul Islaam isagoo sheekha ka hadlaaya wuxuu sheegay inuu sababey in Gobolku noqdo meel nadab ah tan iyo intii ay heshiiskaan galeen.

"Alxamdu Lilaah intii aan heshiiskaas galney, waad aragtaan in Gobolku noqdey meel nadab ah"

"Sidoo kale Sheekh Macow wuxuu codsadey in laga cafiyo falalkii ama howl-galadii uu Maamulku ka qayb qaatey intii ay ka mid ahaayeen Kooxda Dowlad ku sheega ah"Ayuu yiri Sh Macoow.(Geesi Alle ma xiro).

Waxaa xaqiiq ah in Reer Hiiraan nabad iyo wanaag badan uu u horseeday Sh Macoow,
laakiin waxaa jira in Dadka qaarkiis uu jaceylka Xabashku ku sii harey, taasoo ay aad uga xunyihiin nadadda iyo heshiiskaan ka dhacey Gobolka hiiraan. Dadkaas waxaa wali ku jiraQabkii iyo Jahligii Qabiilka waana la oran karaa waa dawaqsan yihiin. Laakiin waxaa iyadana hubanti ah in Shacabka G/Hiiraan ay waligood hormuud u ahaan jireen difaaca iyo wanaagga Ummadda Soomaaliyeed. Maasha Allaah. Haddii aan nahay Ummadda Soomaaliyeed waa inaan marwlaba garab istaagno Dadka inta Wanaagsan Gobolka kastoo Dhulkeena ah.

Wargeyska QORAX

BELED-WAYNE: oo ay maanta Xabashi qabsatey/boobtey !

Wararka rasmiga ah ee ka imaanaya Magaalo Madaxda Gobolka Hiiraan Soomaaliya ee Beled-Wayne waxay xaqiijinayaan in Maanta oo ah Sabti bisha 8/29/09 in ay Ciidanka cadowga Xabashidu ay si buuxda u qabsadeen Magaaladda.

Ciidanka Xabashida waxaa soo horkacey kooxo Dambiilayaal ah oo sheegta inay Gobolka Hiiraan ama Magaaladda Beled-wayne ay u dhasheen, laakiin sida runta ah Dad jaahiliin ah oo aan damiir iyo dadnimo toona laheyn. haddaba markii ay Xabashidu si buuxda u qabsatey Magaaladda ayaa la sheegayaa inay ay halkaa ku dileen labo ruux oo shacab ah, sidoo kale waxay baaritaan iyo farateysi ugu dhaqaaqeen Guryaha iyo goobaha ganacsiga ee Magaaladda, waxayna halkaa ku boobeen hanti farabadan oo ay ka qaateen Guryaha dadka shacabka iyo waliba goobaha ganacsiga.

"Inta badan waxaa dadka shacabka ah dhaca u gaystey waxay ahaayeen Jabhadaha Soomaalida ah ee la socda Xabashida" Ayuu dhahey wiil qadka Tellka lagu wareystay oo jooga Beled-wayne.

Dhibaatadda ugu badan waxay Ciidanka cadowgu ka gaysteen dhanka Galbeed ee Magaaladda oo inta badan ay maamulaan/li jireen Ciidamadda halgamaasha ah ee Al-shabaab iyo Xisbul Islaam oo iskaashanaaya. Xabashida iyo daba-dhilifyadooda waxay Galbeedka Magaaladda u boobeen oo ay shacabkana u dhibaateeyeen waa iyadoo dhanka Galbeed ee Magaaladda laga taageero Halgamayaasha Al-shabaab iyo Xisbul Islaam, oo waxay uga dhigayaan ciqaab iyo cagajugleyn ujeedadeedu tahay inay ka waantoobaan inay xornimo iyo madaxbanaani sheegtaan.

Waxay u egtahay in shacabka Gobolka Hiiraan intiisa badan uu waa ku baryey, waxaan ognahay in Shacabka Gobolka intiisa badan Halgamayaasha Al-shabaab iyo Xisbul Islaam loo tusey inay cadow u yihiin halka Xabashida iyo kooxda shariifkana looga dhigay inay isku asxaab yihiin.

Su'aasha maanta u taal reer Hiiraan waa "Wali ma jidkii qaldanaa ee ay Tuugada/Dabodhilifka idiin jeexeen ayaad sii haysan doontaan? Mise waxaad ku cibro qaadan doontaan waxa maanta dhacey?. Waxay u badan tahay in maanta Shacabku si isku mid ah u wada arki doono cadowga Xabashaka ah ee mar walba gardaradda ku soo galla dhulkeena gaar ahaan Beled-wayne iyo meelaha kale ee xuduud beenaadka ku yaalla.

Wargeyka QORAX.

1da LUULYO IYO SHIRKA SIRTA: Ma dabaal degnaa mise waan Is-xoreynaa mar kale?

MAANTA WAA 1 Luulyo 2009ka. waxay ku beegan tahay sannad-guuradii ka soo wareegatey markii ay midoobeen labadda Gobol ee Waqooyiga iyo Koonfurta Soomaaliya, Soomaalida ayaa markii u horeysay dhistey Dowlad ay u madax-banaan yihiin.

Waxay aheyd runtii xilli farxad iyo damaashaad aan la soo koobi karin Soomaalida u aheyd, maxaa yeelay wuxuu Illaahey ka dul qaadey gumeysi muddo ka badan 70tan sanno dhulkooda haystey.

Soomaalidu qiimaha ay leedahay Maalinta 1da luulyo wali may iloobin, inkastoo is-bedel badan iyo bur-bur uu ku yimid Qarankii iyo Dalkii Soomaaliya. Waxaa soo baxey Gobolo sheegtay inay ka madax-banaan yihiin Soomaaliya, Dalka oo dhan waxaa 1990kii qabsadey Jabhaddo qabiili ah (SNM, USC, SSDF, SPM, IWM) oo ay tabobartey, hubna siisay Dowlada Xabashida ilaa haddana iyadu u taliso ama saaxiib la ah!. Waxay Jabhadahaas bur-buriyeen aas-aaskii Qaranimada Soomaaliyeed, iyagoo Dalka ka dhigay mid kala qayb-qaybsan. Maanta haddii aan la is yeel-yeelin Dalka kama jiraan wax loo dabaal deggo ee waxaa ka jira xaalad/masiibo Bani'aadanimo oo aad iyo aad u murugo badan, Dagaalo, barakac, nafaqo-darro, cuduradda faafa, iyo waxkastoo u daran nolosha Bani'aadamka.

Maanta Soomaali badan ayaa damaashaadka 1da luulyo iskugu soo baxey dhamaan Aduunka dacaladiisa, gaar ahaan Soomaalida ku nool qurbaha, Waxaa kaloo 1da luulyo laga xusey sidda la sheegay Xaafaddo ka mid ah Muqdisho (Caasimadda Dalka) oo sida la sheegay dhuumaaleysi aheyd iyo qaybo ka mid Gobolka Gal-guduud oo ay Maamulaan Kooxda Suufiyadda ee Xabashidu soo hubeysay .

Gudaha Dalka. Labada Koox ee Xuska 1da luulyo sameeyay waxay gacan-saar buuxa la leeyihiin Taliska Tigreega ee Melez-Zinawi, iyo waliba Ciidanka calooshood-u-shaqeystayasha ah (AMISOM) ee laga keenay Dalka Uganda iyo Burundi ! Maxaa 1da luulyo ka qaldamey ? Wax badan, Wax badan!

Shirka Sirta.

Magaaladda SIRTA ee Dalka Liibiya isla maanta 1da luulyo waxaa shir-aan-caadi aheyn uga furmay Dowlado Afrikaan ah oo qaar ay Ciidankoodu joogaan Soomaaliya, Dowladahan waxaa ka mid ah Uganda, Burundi, Kenya iyo waliba Ethiopia.

Shirkaan sida la shaaciyey waxaa iskugu yeeray oo qaban-qaabiyey Kaligiis-taliye Meles-Zinaawi (Ra'iisal Wasaaraha Dalka Xabashida), Melez Zinaawi kaligiis maaha ee waxaa garabkiisa midig-taagan Shariif Sh Axmed oo lagu sheego inuu yahay Madaxweynaha Soomaaliya!. Melez wuxuu kor iyo hoos doonayaa in Wadamadda Soomaaliya dariska la ah (oo ay ku jirto Xabashidu/Kenya) loo ogolaado inay weerar ku ekeeyaan Dalka iyo Dadka Soomaaliyeed ee iska dhibaateysan. Bayaan ka soo baxey shirkaas ayaa leh .

"Waxaan Golaha Amaanka ee Qaramada Midoobey
ka codsaneynaa inay wax ka bedelaan go'aankii kal hore looga mamnuucay Wadamadda dariska la ah Soomaaliya inay
Ciidan u diraan ama weerar ku qaadaan Soomaaliya"Ayuu codsadey Meles Zinawi

Hadaba Soomaaliyey iyadoo aan ognahay xaalka maanta, dhibaatada iyo silica haysta Ummadda Soomaaliyeed iyo waliba sida ay Cadowga Soomaaliyeed ugu tashadey sidii ay u sii gumeysan lahaayeen una sii tir-tiri lahaayeen.

Ma waxaa nala gudboon inaan dabaal-degno mise waxaa nala gudboon inaan isku diyaarino sidii aan Dalkeena iyo Dadkeena uga celin laheyn Waraabayaasha iyo gumeystayaasha Madow ee shaqada naga dhigtey ?

Inaan dabaal degno nooma eka maanta oo Dalkeenii gumeysi cusub joogo ! waxaa Soomaalida dhiiga/iimaanka leh waajib ku ah inay u diyaar garoobaan sidii ay u xoreyn lahaayeen Dalka, uguna halgami lahaayeen dadkooda, Dalkooda iyo Dintoodaba.

Wargeyska QORAX

FARAJ BAA DHOW: WQ Dr Cumar Cusmaan Raabe

HA IS-DHIIBIN SOOMAALIYEY !...

1- Iyadoo 1da Luuliyo ay ahayd, 49 sano ka hor, maalintii xusuusta iyo farxadda lahayd ee Qaranka Soomaaliyeed, meel uu joogaba, isaga oo isku duuban, u sarakacay Dalkiisa, dadnimadiisa iyo dowladnimadiisa.

2- Waxaan maanta Ummadda Soomaaliyeed la qaybsanayaa geerida iyo murugada, waqtigan mugdiga ah iyo taariikhda madow ee maanta la marayo; iyadoo dhibaatadaas culus, si isdabajoog ah loogu soo jirey muddo 20 sano ah: dad iyo duunyo lagu hoobtay; dal, bulsho iyo dowladnimona ku burbureen oy ku baaba’een; laguna illaawey xusuus, xaq iyo xeer, wax horey loo soo ahaan jirey iyo aayatiin dambe oo lagu tashado…

3- Inkasta oy sidaas tahay, waxaan haddana Qaranka Soomaaliyeed guud ahaantii iyo qof kasta oo Soomaali ah, gaar ahaantiis, ku goobaabinayaa in aan la rajo-dhigin oon la is-dhiibin!... Gurmadka Allaah iyo gargaarkiisa ayaa innooga iman gees aan la filayn!...

4- Ha isdhiibin, ha isdhiibin Soomaaliyey!... Ilaahii mar walba oo halistu heerkaas gaadho ku bixin jirey, ee ku badbaadin jirey, Ilaahiibaa maantana jooga oo jira!...

5- Hubaal, waxa kuu dambeyn: GUUL, SHARAF IYO FARXAD!... Iyo wax aad ku illawdo wax kasta oo ku soo marey!... Faraj Allaa dhow, ha isdhiibin Soomaaliyey!..

WQ: Cumar Cusmaan Raabe

KISMAAYO: Maamulka Islaamiga ah oo amar ka soo saarey Dadka ku ganacsada Jidadka hareerahooda

KISMAAYO SOOMAALIYA: Maamulka Islaamiga ah ee magaalada Kismaayo ayaa maanta digniin u jeediyey dadka sida sharci darodda ah ku ganacsada Goobaha dadweynaha qaas ahaan hareeraha wadooyinka. Ganacsatadaas sida qaldan Jidadka ku ganacsada ayaa loo qabtay muddo saddex maalmood ah inay uga guuraan meelaha aan sharciga aheyn.

Maamulka ayaa sheegay haddii ay u hogaansami waayaan inay tilaabo sharciga waafaqsan ka qaadi doonaan.

Afhayeenka Maamulka Islaamiga ah ee Kismaayo Sheekh Xasan Yacquub Cali oo warbaahinta kula hadley xafiiskiisa ayaa wuxuu sheegay in ciidamada Xisbada ay qaadayaan howl-gal lagu soo celinayo bilicda Magaalada, wuxuuna Sheekh Xasan Yacquub ku nuux-nuuxsaday in la baabi'inaayo mehradaha gamacsiga ee qaabka aan sharciga aheyn wadooyinka agagaarkooda ugu yaalla.

Waxaa uu sheegay in muddo saddex cisho ah ay ganacsatada ku ag-ganacsada jidadka u qabteen haddii ay mudadaas ku qaadi wayaan barahana ay ciidamadu howlgal fulin doonaan.

Maamulka Kismaayo ayaa goor sii horeysay oo horaantii sanadkan ah waxaa uu dhismo ku sameeyey wado dheer oo magaalada xiriiriso, taasoo aheyd horumar aan hore loo arag koonfurta Soomaaliya intii uu burburka dhacey.

Maamulka Islaamiga ah ee Kismaayo ayaa u muuqda mid hormuud u ah soo celinta nidaamkii iyo kala dambeyntii la waayey 19kii sanno ee la soo dhaafey.

Wargeyska QORAX

MAAMULKA MAXAAKIIMTA: Beled-Wayne oo ay soo food-saartey qal-qal siyaasadeed iyo Mas'uuliyiin is casishay

BELED-WAYNE SOOMAALIYA: Dhowrkii maalmood ee la soo dhaafey waxaa xilkii ay ka hayeen Midowga-Maxaakiimta Gobolka Hiiraan iska casiley Mas'uuliyiinta ugu fir-fircoonaa oo uu ka mid yahay Godoomiyihii Maxkamadda Racfaanka Beled-wayne Sh Max'ed Muxumed Warsame, Gudoomiyihii Maamulka Maxaakiimta Islaamiga ah ee Beledwayne Shiikh Aadan Ibraahim Jilibey iyo waliba Mas'uuliyiin kale. lama faahfaahin sababta dhabta ah ee keentay inay mas'uuliyiintaasi iscasilaan xilligaan, waloow wararka qaar ay leeyihiin mas'uuliyiinta ayaa ka biyo diidan soo galitaanka Ciidanka Xabashida ee Gobolka Hiiraan gaar ahaan Deg: Kalabeyrka.

Iyadoo aan wali Xilalkaas la buuxin waxaa maanta Magaalada Beled-wayne ka duuley Gudoomiyaha Maxaakiimta Islaamiga ah ee Gobolka hiiraan Sh C/raxmaan Mocoow sida ay wararku u badinayaan wuxuu yimid Xamar gaar ahaan Villa Soomaaliya (warar aan la hubin ayaa leh waxaa lagu Bedeli doonaa Wasiirkii Amniga ee Dhowaan ku geeriyooday Beled-wayne).

Ilaa iyo bilowgii sannadkan 2009ka inta badan ee Magaaladda Beled-wayne Gobolka Hiiraan waxaa maamulkeeda gacanta ku haayey Xooggaga Maxaakiimta ee garabka Jabuuti/Dowlad ku sheegga raacsan oo dhinac ah iyo Xisbul-Islaam oo iyaguna dhinac ka Maamula Magaaladda.

Maxaakiimta iyo Xisbul-Islaam waxaa jiray inay mar isku dhaceen laakiin si fudud loo xaliyay qilaafkaas. Maanta Magaaladda Beled-Wayne waa meel aad iyo aad u kacsan xaaladeeda nabadgelyo sababtoo ah waxaa Gobolka isku fadhiya Kooxo ama Ururo ismaan-dhaaf siyaasadeed iyo kala hadaf duwan, Xooggaga ku wada sugan Gobolka Hiiraan waxaa ka mid ah:

• Ciidanka Xabashida oo xuduudka ama Kalabeyrka Joogga.
• Qab-qableyaal dagaal Dabo-geed iyo Garaaso.
• Midowga Maxaakiimta (Garabka Jabuuti ee Shariifka taabacsan)
• Xisbul-Islaam (oo Boqolkiiba 30 Beled-wayne Maamusha)
• Al-shabaab Mujaahidiin oo kala-bar Gobolka Maamullo.

Loolanka u dhexeeya Kooxahaan ayaa kaliftey in Amaanka Gobolka maalmihii tagey uu noqdo mid qal-qal galey, waxaa taa ka sii daran oo arinta sii murgiyay kadib markii ay Ciidanka Xabashida oo wata Maleeshiyo beeleedyo/Qab-qableyaal ay ka soo tilaabeen Xaduud-beenaadka Xabashidda iyo Soomaaliya. Sidoo kale waxaa Gobolka lagu soo daabuley Jabhaddo Ciidanka Dowlad ku sheega lagu sheegay ayna soo tabobartey Xabashida kuwaas oo loogu tallo galey inay dagaal la galaan Al-shabaab-Mujaahidiin iyo Xisbul-Islaam oo is-kaashi ka dhexeeyo.

Dhanka kale Maamulka Islaamiga ah ee Maxaakiimta Gobolka Hiiraan ayaa loo maleynayaa inay soo galitaanka Xabashida aad uga soo horjeedaan, Maxaa yeelay iyaga iyo Xabashida waxaa dhex marey dagaal qaraar muddo ka yar 7bilood ka hor, dagaalkaas oo Xabashida loo gaystey dhibaato farabadan. Sidaa awadeed ay Xabashidu Beled-wayne soo galaan waxay u badan tahay inay qab-qabtaan Mas'uuliyiinta Maxaakiimta ee dagaalka la galey. Waana sababta ugu wayn ee keeni karta inay iscasilaan Mas'uuliyiinta Maxaakiimta Gobolka Hiiraan.

Wargeyska QORAX

UGANDA: Museveni oo sheegay inay ciidan kale u dirayaan soomaaliya haddii lacag lagu siinaayo!

KAMPALA UGANDA: Madaxweynaha dalka Uganda Kaligii-Taliye Yawareer Musaveni ayaa sheegay inay Ciidan dheeraad ah u dirayaan Dalka Soomaaliya. waa haddii buu yiri lacag iyo qalab dheeri ah lagu siinaayo!, hadalkaan oo uu kaga soo jawaabey codsi uga yimid Kooxda Dowlad ku sheegta ah.

"Diyaar ayaan u nahay inaan Ciidamo dheeraad ah u dirno Soomaaliya , waa
haddii lacag iyo saannad Militari la inagu siinaayo"
Ayuu yiri Museveni

Madaxweynaha Uganda ayaa sidoo kale soo dhaweeyay taageeradii hubka ee uu Mareykanku u diray Kooxda Jabuuti/Doofaarey2, isagoo waliba ku booriyay dhamaan waxa uu ugu yeeray Bulshada Caalamka inay sidaas oo kale caawimo iyogargaar udiraan Kooxda Shariif ee ku go'doonsan Xarunta VillaSoomaaliya.

Hadalka Museveni ayaa u eg mid ah ku gorgortan dhiiga iyo dhibaateynta Shacabka Soomaaliyeed. Ciidanka Uganda ee jooga Magaalo-madaxda Soomaaliyeed ee Muqdisho ayaa si aan arxan laheyn masaafiic ula dhaca Xaafadaha ay Dadku ku badan yihiin ee Muqdisho.

Wargeyska QORAX.

KISMAAYO: Xaalkeeda kadib markey la wareegeen Xisbul-Islaam/Al-shabaab.

KISMAAYO SOOMAALIYA: Magaaladda Kismaayo G/J/hoose oo ahaan jirtay Magaalo-Madaxda sadexaad ee Jamhuuriyadda Soomaaliya, burburkii ka dib waxay aheyd meel ay qaxa, dagaalada, dilka iyo kufsigu caadi ka ahaayeen. laakiin markii ay la wareegeen Halgamayaasha dhiigooda u hurey Diinta iyo Dalkeena hooyo ee Al-shabaab iyo Xisbul-Islaam waxay shacabku heleen nabad iyo naruuro aan waligeed la arag.

"Markii hore qasab/gumeysi ayaan ku dajin jirney badeecooyinka, ama waxyar ayaa nala siin jirey ! Maanta waan helnaa xaqqeena ama lacagta aan shaqeysano, ha yaraato ama ha badnaato" Ayuu dhahey wiil dhalinyaro ah oo xamaali ka ah Dekeda Kismaayo.

"Maanta Amaanka iyo nabadu waa fiican tahay, wagii hore wiil yar ayaa jidka noo istaagi jiray oo naga qaadan jiray waxkastoo aan heysano" Ayuu dhahey wiil kale oo dhalinyaro ah oo isna la wareystay.

Nabadda iyo wanaaga ay haystaan Dadweynaha Soomaaliyeed ee ku dhaqan Gobolada ay maanta Maamulaan Halgamayaasha Al-shabaab iyo Xisbul-Islaam waa mid aan la soo koobi karin, laakiin waxaa diidan oo aan marnaba wanaagu deeqin inta wali usii ciil-qaba inay dulmi iyo tuuganimo ku sii noolaadaan.

Wargeyska QORAX

SHARIIF SH AXMED: shir jaraa'id qabtey, oo sheegay in Soomaaliya ay dagaal ka wadaan argagixiso !

MUQDISHO SOOMAALIYA: 29/6/09 Axad: Sh Shariif oo ah Maxadweynaha/Hormuudka Mashruuca Dowlad ku sheegga ama Kooxda Doofaarey2 ayaa maanta Shir-jaraa'id ku qabtey Villa Soomaaliya isagoo ay halkaas ku ilaalinayaan Ciidanka colooshood-u-shaweystayaasha AMISOM ee ku sugan Muqdisho.

Shariifka ayaa wuxuu carabka ku dhuftay arimo farabadan oo ay u badnaa eedo iyo cabasho uu u jeediyay Ururadda dagaalka ba'an kala soo horjeeda Kooxdiisa, wuxuu kaloo sheegay in Dalka Soomaaliya ay dagaal ku soo qaadeen ajaa'niib u adeegta Ururka Al-qaa'ida.

"Al-shabaabku waxay si xoog ah ciidan uga dhigaan dhalinyaro aan
qaan-gaarin waxayna ku qasbaan inay iyaga u dagaalamaan, taasoo sida uu sheegay uu ka dambeeyo ururka Al-qaa'ida!"
Ayuu dhahey Shariif Sh Axmed.

Shariifka ayaa wuxuu eedeyn u jeediyay Dalka Eriteria wuxuuna tilmaamey inay Saraakiishoodu dagaalka Muqdisho ka socda ku lug leeyihiin. Shariifka wuxuu sidoo kale carabka ku dhuftey in Sh Daahir Aweys uu ku socdo waddo aan laga soo laaban karin, Wadadaan oo uu ku sheegay mid ay soo sameysay Eriteria iyo Al-qaacida.

XIGASHO: Halkan ka sii Akhriso Reuters

FG: Shariifka kama hadlin Ciidanka Xabshida ah ee dhowaan soo galay Goboladda Soomaaliyeed ee Bakool, Gedo, iyo waliba Galgaduud iyo waliba Kenya oo u soo fak-fakaneysa inay soo weerari doonto dhulka hooyo! .

Wargeyska QORAX

KENYA: oo u diyaar garowday weerar ay ku qaado Soomaaliya !

ISIOLO KENYA: Ciidanka Xoogga Dalka Kenya ayaa la galiyay feejignaan midda ugu sareysa, Feejignaanta loogu magac darey Zullu ayaa maalmihii tagey Ciidanka Dalka Kenya la galiyey taasoo ka dhigan in Ciidanka diyaar u noqdo difaac iyo weerar wada socda. waxaa la arkaayey Dabaabaad lagu sii daabulaayo Xadka ay Kenya la leedahay Soomaaliya.

Feejig-naanta Zullu ee Ciidanka Kenya la galiyey ayaa keentay in Askartii loo diido fasaxii caadiga ahaa ee ay qoysaskooda ku aadi jireen, waxay sidoo kale Ciidanka Kenya carbis ama dhoola-tus ku sameynayeen dhulka duurka ah, halkaas oo ay ku sameeyeen dab-rid.

Diyaar garowgaan ayaa ku soo beegmay mar uu Wasiirka arimaha dibedda ee Kenya horey u sheegay in Kenya gacmaha ka laaban doonin arimaha siyaasadeed/ciidan ee ka soo cusboonaadey Dalka Soomaaliya. Kenya waxay dooneysaa inay ciidan nabad-ilaalin ah u dirto Soomaaliya Waa sida ay sheegeen Madaxda Kenya!.

Dhanka kale Kenya ayaa sheegtay inay xirayso xaduudka ay la leedahay Soomaaliya gabi ahaantiis, xaritaanka xadka ayay ku sheegeen si ay nabadgelyadda Kenya u adkeeyaan, Ciidanka Booliska ayaa waxay sahan farabadan u sameeyaan Jidadka u dhexeeya Mandheera ilaa Wajeer, Sidoo kale Ciidanka xadka ayaa aad loo badiyey.

Dalka Kenya ayaa sheegay inay si walba u caawin doonaan Dowlad ku sheegta Jabuuti u ku soo sameeyay Walad Cabdalla (UNta Wakiilkeeda Soomaaliya). Iyadoo ay Kenya ku sugan yihiin inta badan dambiilayaasha/Qab-qablayaashii dagaalka, xubnaha Baarlamaan ku sheega ah iyo waliba Ra'iisal wasaare ku sheeg Cumar A/rashiid. Kooxdan Jabuuti/Doofaarey2 waxay Kenya la gashey heshiis aan hore loo arag isagoo kale, kaas oo lagu bixiyay biyaha Badweynta Hindiya oo ka mid ah Dhulka Soomaaliyeed. Waxaa taa la mid ah in Kenya ay kooxdani u ogolaatey inay aruursato canshuuraad lagu sheegay in loo aruurinaayo Dalka Soomaaliya. Hadda waxay canshuurtaa ku aruurisaa Magaalooyinka Xaduudka ee Libooyo, Mandheera, iyo qaadka Dalka Soomaaliya loo iibgeeyo oo isna lagu canshuuro Nairobi.

Kenya ayaa maalmahaan ku cel-celinaysa inay weerar ku ekeyn doonta Dalka dariska la ah ee Soomaaliya, iyadoo ku marmarsiyooneysa inay Dowlad ku sheegta u yeeratey ama ay xaduudkeeda iyo nabadgalyo ilaashaneyso. Laakiin waxaa xaqiiq ah in Kenya ay maanta u jeedo dhibaatadda haysata Ummadda Soomaaliyeed sidaa awadeed ay isleedahay ka faa'iideysa inta ay jaban/liitaan, laakiin waxaa la yaab leh cadowtinimada ay Kenya la soo ifbaxdey. Mashruucii la dagaalanka Islaamka oo u eg inuu hadda kasoo laba-kacleyay geeska Afrika, kanoo awal ay lacag ku qaadatey Dowladda Xabashida, laakiin waxay maanta u egtahay inay ka wada qayb qaadan doonaan Uganda, Kenya, Burundi, Xabashida iyo waliba Jabuuti.

Wargeyska QORAX

XUKUUMADA MAREYKANKA: oo ka cabsi qabta in Kooxda Jabuuti la afgambiyo !

WASHINGTON USA: Mas'uul/Af-hayeenka Wasaaradda Arimaha Dibedda ee Xukuumadda Dalka Mareykanka, oo lagu magacaabo Ian Kelly ayaa cadeeyay sida ay uga wal-walsan yihiin in la afgambiyo Kooxda Jabuuti dhowaan lagu soo dhisay. Arintaas si ay uga hortagaan Mareykanku wuxuu qirtay inuu hub iyo rasaas farabadan uu ku daabuley Dalka Soomaaliya.

Halkaan ka daawo .



Xigasho: Al-Jaziira.net

FG: hubkan/Rasaasta mareykanku keenay wuxuu gacanta u galiyay Kooxda Jabuuti ama Qab-qablayaasha ah ee Kooxda Midnimadda Qabiiladda, ee Mabda'oodu uu yahay halbeegga 4.5 ee Jaahhiliyadda ku dhisan.

Wargeyska QORAX

ERITERIA: oo cambaareysay Hubkii Mareykanku Soomaaliya u diray

ASMARA ERITERIA: Sabti 6/27/09. Dowladda Eriteriya ayaa si kulul u cambaareysay hubkii iyo rasaastii uu Dalka Mareykanka u diray Dalka Soomaaliya, hubkaan aan sida la sheegay uu Mareykanku ugu deeqay waxa ay ugu yeereen Dowladda Soomaaliyeed (Kooxda Isbaaroleyda) oo u badan Qab-qableyaal dagaal.

"Faragalinta/hubka lagu sii dal-dalaayo Soomaalia, oo ah mid marin habaab ku socda horey ayaa loogu guul dareystay, Haba-yaraatee waxba lagama faa'iidaayo ficilada ay mar walba Dowlada Mareykanku ka sameyso Dalka Soomaalya" Ayuu yiri Wasiirka Arimaha Dibedda Dalka Eriteria.

Mareykanka ayaa asbuucaan cadeeyay inuu hub iyo rasaas u diray Kooxda Doofaarey/DKMG ee tabarta daran, Ka gadaal markii uu Mareykanku ogaadey in Kooxdani qarka u saaran tahay inuu laga cayriyo meelaha yar ee uga sugan yihiin Dalka. Waxayna Kooxdani lumisay Goobo badan waqti yar oo ay dagaal isaga hor yimaadeen Mujaahidiinta Al-shabaabka iyo Xisbul-Islaam.

Mareykanka wuxuu Dalka Eriteeriya mar walba ku eedeeyaa inay hubeyso Al-shabaab iyo Xisbul-Islaam taasoo mar walba ay dafirto Dowladda Eriteriya, Laakiin waxay Eriteriya si buuxda u taageertaa halganka Xornimo-doonka ah ee looga soo horjeedo gumeystayaasha isbaheystay ee uu dhaqaalaha u hayo Mareykanka, dhanka Ciidankana ay Xabashidu ugu qaybsan tahay.

Wargeyska QORAX

KOOXDA SUUFIYADDA: oo bandow ku soo rogay C/waaq G/Galgaduud.

CAABUD-WAAQ SOOMAALIYA: Kooxda la baxdey Ahlu-sunna-Waljameeca ayaa shaley bandow aan hore loo arag ku soo rogtay Magaaladda Caabud-waaq ee Gobolka Galgaduud. waxaa la arkey galabnimadii baabuur lagu soo rakibey sameecado oo Magaaladda dhex wareegayo.

"Waxay cod dheer ku lahaayeen Caawa wixii ka dambeeya Magaaladu waa bandow
xilliga habeenkii. "

Kooxdan Wal-jameeca oo u badan Mooryaantii Xamar iyo Goboladda dhexe oo isbaheysi u dhexeeyo waxay taageero rasmi ah ka helaan Ciidanka Xabashida ee fadhiya xaduud-beenka Soomaaliya iyo Xabashidal. Ujeedooyinka cadowga Xabashidu u hubeynayaan waa in la isku baabi'iyo shacabka Soomaaliyeed. Hadba kii doqon ah oo ciil qabo sii qori Ak47 iyo rasaastiisa si uu ugu soo laayo walaalkiisa kale ee Soomaliga/Muslimka ah.

Magaalada Caabud-Waaq waxay kooxdaan si buuxda ula wareegeen ka dib markii lagu soo jabiyay Dagaalkii Wabxo ee dhex marey iyaga iyo Al-shabaab Mujaahidiin, laakiin waa markii hoeysay ee Caabud-waaq Dadweynaheeda lagu amro inay Guryahooda ka soo bixi karin taasoo inta badan shacabka ka yaabisay!

Suufiyadda Gobolada dhexe ayaa maalmihii/Bilihii tagey waxay ahaayeen qaar ay indhaha Cadowga reer Galbeedka ku diirsadeen oo waliba Rajodoodii gumeysiga dib u soo nooleysay, Cadowga Galbeedka ayaa diyaarinaaya sidii loo hubeyn lahaa, oo waliba loo sharfi lahaa Suufiyadda kadib markii ay dagaal qaraar la galeen Halgamayaasha Dalkeena ka xoreeyay Xabashida ee AL-shabaab iyo Xisbul-Islaamka.

Wargeyska QORAX

RAADIYOOW AMISOM ! oo laga furey Muqdisho, muxuuse qaban doonaa?

MUQDISHU SOOMAALIYA: Kooxda calooshood-u-shaqeystayaasha ee la baxey AMISOM ayaa ka dhawaajiyay inay fureen Idaacad cusub. Idaacadaan waxay sheegeen inay la hadli doonto shacabka Xamar iyo xamardaye si ay u taageeraan kooxda Isbaarooleyda/Doofaarey2 ee Dowlad ku sheegta ah.

Idaacadaan waxaa kaliftey in la fure ka dib markii ay adkaatey inay Wariyeyaashu gudan waayeen howshooda soo tabinta wararka ah, Ayuu sheegay mid u hadley calooshood-u-shaqeysatadda AMISOM. wuxuuna sheegay in kooxaha Isbaaroleyda/DFKG ka soo horjeeda ay caburiyaan Idaacadaha ka jira Caasimadda una diideen inay si dhab ah wararka ugu tabiyaan Dadweynaha waa sida uu u dhigaye.

Idaacadaan ayaa laga yaabaa inay ka hadli doonaan Soomaalida aadka ula dhacsan inay ku hoos noolaadaan Isticmaarka Madow ee maanta Dalkeena ku soo duulay, Sidaa oo kale waxaa hubaal ah inay faafin doonto Diinta Masiixiga ah ee ay AMISOM rumeysan tahay inay u adeegayaan.

Idaacadaan ayaa sidoo kale waxay muujinaysaa sida ay Ciidamada shisheeye aadka ugu dadaaleen inay marin habaabiyaan Ummadkeena iyo Shacabkeena guud ahaantiisa gaar ahaan Goobaha ay maanta ku sugan yihiin Calooshood-u-shaqeystayaasha/dambiilayaasha la baxay AMISOM, halkaas oo ah caasimadeeni Xamar Cadeey.

Wargeyska QORAX.

MAREYKANKA: oo sheegay inuu hub iyo rasaas siiyay Kooxda Doofaarey2/DFKM.

MUQDISHO SOOMAALIYA: Dowladda Mareykanka ayaa sheegtay inay hub iyo rasaas u direen kooxda Doofaarey2/DFKM ama Kooxda Isbaaroleyda Midowday, waxaa sidoo kale la sheegay in uu hubkaasi ka soo dagey dekedda Muqdisho asbuucii tagey.

Mareykanka wuxuu sheegay inuu hubkaas iyo rasaasta ay ugu direen kooxda Doofaarey2 si ay ulla dagaalamaan kooxda Al-shabaab/Xisbul Islaam ee xiriirka la leh Al-qaacida. iyo waliba cidkastoo ka soo horjeedda danaha reer galbeedka/Bulshada caalamka.Arintaan ayaa la sheegay inay la xiriirto isbedel ku yimid siyaasadda Maamulka cusub ee uu hormuudka ka yahay Barack Obama. waxaana laga yaabaa in Mareykanku markaan rabo inuu isku hubeeyo shacabka Soomaaliyeed si ay isku baabi'iyaan.

Lama oga inta uu la'egyahay hubkaan iyo waliba noocyadiisa laakiin waxaa loo badinayaa inuu u badan yahay qoriga Ak47ka loo yaqaan iyo hubka fudfudud ee lagu farsameeyo Wadamadii hantiwadaga ahaa ee Midowgii soofiyeeti, waxaa kaloo laga yaabaa inay la socdaan rasaasta hubkaas. Hubkaan marka uu gacanta u soo gallo Kooxdan Isbaaroleyda waxaa laga dareemi doonaa suuqyadda Cirtoogte, maadaama sida looga bartey kooxdaan ay si toos ah u iibsan doonaan taasoo keeni doonta inuu qiimo-dhac ku yimaado hubka iyo rasaasta.

Siyaasadda cusub ee Meraykanka ayaa sida muuqata dhigeysa in shacabka Soomaaliyeed la isku hubeeyo si ay iyagu isku baabi'iyaan.

Wargeyska QORAX.